Навальны падлічыў грошы Хірурга.
Аляксей Навальны прадэманстраваў доказы маштабнага дзяржфінансавання «Начных ваўкоў» і звязаных з імі арганізацый.
Агулам за 2013-2014 год ад прэзідэнцкіх грантаў «Начныя ваўкі» атрымалі 41 млн расійскіх рублёў, ад міністэрства культуры — 15 млн рублёў. Сумарна па курсе да крызісу восені 2014 года гэта складае каля 1,6 млн даляраў.
Дзяржаўныя грошы прынамсі з 2011 года «Начныя ваўкі» атрымліваюць на навагоднія ёлкі (якія да 2013 года «Начныя ваўкі» праводзілі без дзяржпадтрымкі), патрыятычнае выхаванне моладзі, мотапрабегі.
На грант міністэрства культуры байкеры зладзілі вогненнае шэсце ў форме свастыкі. На дзіцячых ёлках «Начныя ваўкі» распавядаюць пра Статую Свабоды, якая хоча зняволіць Расію і «збудаваць свет на крыві».
Паводле ранейшага даследавання Slon.ru, некамерцыйная арганізацыя «Начныя ваўкі» атрымала ад камерцыйнай дзейнасці ў 2007 годзе прыбытак у памеры 140 млн расійскіх рублёў (каля 5,5 млн даляраў па тых часах).
***
У Беларусі «Начных ваўкоў» падчас аўтапрабегу «Дарогі Перамогі» сустракалі на ўзроўні Адміністрацыі прэзідэнта. Польшча не пусціла ўдзельнікаў прабегу на сваю тэрыторыю, тое ж зрабіла Літва, а Германія не прапусціла на сваю тэрыторыю ўдзельнікаў клубу «Рускія матацыклісты», якія таксама ёсць сябрамі «Начных ваўкоў».
Ва Украіне загінула 24-гадовая беларуская добраахвотніца Марыя Зайцава31
Каментары