Праект прагнозу сацыяльна-эканамічнага развіцця Беларусі на 2016 год і параметраў найважнейшых паказчыкаў на 2017-2018 гады вынесуць да 1 жніўня на разгляд Саўміна.
Такое рашэнне змешчана ў пастанове Савета Міністраў №373 ад 4 мая 2015 года, апублікаванай сёння на Нацыянальным прававым партале.
Кароткі варыянт канцэпцыі прагнозу сацыяльна-эканамічнага развіцця Беларусі з улікам розных сцэнарыяў развіцця нацыянальнай і сусветнай эканомікі будзе распрацаваны Міністэрствам эканомікі і прадстаўлены ў Міністэрства фінансаў і Нацыянальны банк да 11 мая. Да 12 чэрвеня кароткі варыянт канцэпцыі прагнозу, а таксама метадычныя матэрыялы па яе распрацоўцы будуць накіраваны рэспубліканскім органам дзяржаўнага кіравання і іншым дзяржаўным арганізацыям, падпарадкаваным ураду, аблвыканкамам і Мінскаму гарвыканкаму.
У сваю чаргу Міністэрства фінансаў да 8 чэрвеня прадставіць у Міністэрства эканомікі і Нацыянальны банк праект асноўных напрамкаў бюджэтна-фінансавай і падатковай палітыкі на 2016 год і параметры найважнейшых паказчыкаў на 2017-2018 гады. Фінансавы праект асноўных напрамкаў грашова-крэдытнай палітыкі Беларусі на 2016 год будзе прадстаўлены Нацыянальным банкам да 4 чэрвеня ў Міністэрства эканомікі і Міністэрства фінансаў.
Рэспубліканскія органы дзяржаўнага кіравання і іншыя дзяржаўныя арганізацыі, падпарадкаваныя ўраду, аблвыканкамы і Мінскі гарвыканкам да 26 чэрвеня забяспечаць узаемнае ўзгадненне паказчыкаў і арыенціраў развіцця падпарадкаваных арганізацый. Акрамя таго, да 6 ліпеня структуры прадставяць у Міністэрства эканомікі прапановы і разлікі да раздзелаў праекта прагнозу сацыяльна-эканамічнага развіцця Беларусі на 2016 год і параметраў найважнейшых паказчыкаў на 2017-2018 гады.
Гэта пастанова ўступае ў сілу з дня яе прыняцця.
Каментары