Беларусь і Кітай падпісалі пакет крэдытных пагадненняў на агульную суму больш за 1 млрд даляраў. Пагадненні былі падпісаны ў Палацы Незалежнасці ў Мінску ў прысутнасці лідараў дзвюх краін Аляксандра Лукашэнкі і Сі Цзіньпіна.
У прыватнасці, падпісана генеральнае крэдытнае пагадненне паміж Банкамі развіцця Беларусі і Кітая аб прадастаўленні крэдыту ў памеры 700 млн даляраў.
«Па крэдытнай дамове рэсурсы выдзяляюцца на тэрмін да 15 гадоў, уключаючы пяцігадовы льготны перыяд. Гэта доўгія грошы. Эфектыўная стаўка не перавысіць 4,7% гадавых. Атрымаць доўгія грошы пад такія працэнтныя стаўкі сёння, вядома, вельмі выгадна», — адзначыў у каментары журналістам старшыня праўлення Банка развіцця Беларусі Сяргей Румас. БРРБ таксама падпісаў мемарандум з Дзяржаўным банкам развіцця КНР аб стварэнні сумеснага рабочага офіса.
Акрамя таго, падпісана крэдытнае пагадненне паміж Дзяржаўным банкам развіцця Кітая і «Беларусбанкам» аб прадастаўленні крэдыту ў памеры 300 млн долараў.
Падпісаны пакет крэдытных пагадненняў паміж урадам Беларусі ў асобе Міністэрства фінансаў і Эксімбанкам Кітая аб прыцягненні льготных крэдытаў для фінансавання будаўніцтва ўнутранай інфраструктуры Кітайска-беларускага індустрыяльнага парку, ўзвядзення новага завода «БелДжы» і рэканструкцыі падстанцыі напружаннем 330/110/10 кВ «Мінск-Паўночная».
Таксама падпісаны пакет крэдытных пагадненняў паміж Беларускай чыгункай і Эксімбанкам Кітая для фінансавання інвестыцыйных праектаў «Абнаўленне рухомага саставу БЧ. Набыццё 8 электравозаў», «Электрыфікацыя ўчастка чыгункі Маладзечна — Гудагай», «Абнаўленне рухомага саставу БЧ. Набыццё 10 электравозаў». Раней прэс-служба Беларускай чыгункі паведамляла, што агульная сума крэдытаў на гэтыя праекты складзе каля 175 млн даляраў.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6464
Каментары