У міліцыю за мінулыя суткі паступіла больш за 500 паведамленняў пра званкі тэлефонных махляроў
Дзякуючы аператыўнасці супрацоўнікаў органаў унутраных спраў і пільнасці грамадзян пераважная большасць злачынстваў была прадухілена, паведамляе БелТА.
Зарэгістравана 55 злачынстваў, здзейсненых з выкарыстаннем інфармацыйна-камунікацыйных тэхналогій.
Аддзел арганізацыі апрацоўкі махлярскіх аперацый МУС ініцыяваў блакіроўку 16 фішынгавых інтэрнэт-рэсурсаў — гаворка ідзе пра падробленыя гандлёвыя пляцоўкі, банкі або сэрвісы, якія амаль не адрозніваюцца ад сапраўдных.
Таксама заблакіравана магчымасць здзяйснення плацяжоў на адрас 46 замежных плацежных рэквізітаў, якія выкарыстоўваюцца зламыснікамі, і прыпынены расходныя аперацыі па 93 рахунках.
Аператыўнікі затрымалі чатырох кур’ераў, якія працавалі ў інтарэсах ашуканцаў, у тым ліку двух замежнікаў. У іх канфіскавана больш за 140 тысяч рублёў.
«Паводле спосабу здзяйснення супрацьпраўных дзеянняў лідыруе купля тавараў на інтэрнэт-пляцоўках. Далей ідуць вішынг ад імя службовых асоб (тэлефоннае махлярства), фішынг і гандаль на фінансавых біржах», — удакладнілі ў МУС.
«Прапановы хуткага і лёгкага заробку або пакупкі тавараў па значна зніжанай цане ў інтэрнэце заўсёды звязаныя з рызыкай страты грошай. Залатое правіла пры камунікацыі з тэлефоннымі махлярамі — спыніць размову і паведаміць у міліцыю па нумары 102», — нагадалі ў МУС.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
"минская милиция предупреждает: мошенники представляются ..., ..., ..., и даже сотрудниками милиции"
Гэты "жарт" вядомы кожнаму пасажыру мінскага метро.
А я трошкі падкарачу рэкламны тэкст:
"минские мошенники предупреждают: ..."
ніхто нікога не прымушае у такіх сітуацыях камунікаваць па-руску.
Хто і навошта пакідае кожны выпадак камунікацыі на рускай з беларускамоўным беспакараным больш за 30-ць гадоў?
Колькі з 500-т махляроў былі беларускамоўнымі?