У сераду, 3 чэрвеня, памёр удзельнік пратэстаў на Майдане Незалежнасці Віктар Арленка, які атрымаў кулявое раненне ў галаву 18 лютага 2014 года. Яго пахаваюць у Нежынскім раёне Чарнігаўскай вобласці.
Арленка заставаўся апошнім удзельнікам Майдану, які знаходзіўся ў крытычным стане. Пасля ранення вялікую частку часу ён знаходзіўся ў коме.
У яго засталося двое дарослых дзяцей: сын і дачка.
Мужчыну стрэлілі ў галаву пры спробе разагнаць Майдан 18 лютага 2014.
53-гадовы бацька дваіх дзяцей увечары прыехаў у цэнтр пратэстаў, каб знайсці там 19-гадовага сына. Неўзабаве сілавікі, абвясціўшы «антытэрарыстычную аперацыю», перайшлі ў наступ, падчас якога мужчыну паранілі.
Каментары