Полацкім памежнікам прыйшлося ўжыць зброю пры затрыманні грамадзян, якія спрабавалі парушыць дзяржаўную мяжу ў Браслаўскім раёне, паведамілі ў прэс-службе Полацкага пагранічнага атрада.
Увечары 4 чэрвеня была атрыманая інфармацыя аб знаходжанні ў межах памежнай зоны ў Браслаўскім раёне невядомых грамадзян. У ходзе пошукавых мерапрыемстваў парушальнікі былі знойдзеныя. Аднак яны праігнаравалі патрабаванне памежнікаў аб спыненні і працягвалі рух у бок мяжы. Улічваючы, што іншымі спосабамі прадухіліць парушэнне мяжы не ўяўлялася магчымым, старэйшы пагранічнага атрада папярэдзіў пра магчымасць прымянення зброі і ажыццявіў адзін папераджальны стрэл у паветра з табельнай зброі. У выніку невядомыя ў колькасці 5 чалавек былі затрыманыя. Праз некаторы час быў затрыманы яшчэ адзін парушальнік.
Парушальнікамі аказаліся грамадзяне В'етнама, якія прыбылі ў Беларусь з Расіі. Яны мелі намер перайсці беларуска-латвійскую мяжу з мэтай пошуку лепшых умоў жыцця ў Еўрасаюзе.
Затрыманыя прыцягнутыя да адказнасці за парушэнне мяжы, памежнага рэжыму і парушэнне правілаў знаходжання ў рэспубліцы. «Пасля выплаты штрафу яны будуць дэпартаваныя з Беларусі. Кожнаму з іх забаронены ўезд у Беларусь на 5 гадоў. Нагадаем, што ў сувязі са змяненнем заканадаўства аб дзяржаўнай мяжы з 23 ліпеня бягучага года адказнасць за парушэнне мяжы будзе больш жорсткай, штраф складзе ў межах ад 10 да 100 базавых велічынь», — растлумачылі ў прэс-службе.
З пачатку 2015 полацкімі пагранічнікамі затрымана 39 парушальнікаў мяжы, большасць з іх складаюць выхадцы з В'етнама і Грузіі
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары