Мужчыну прызналі зніклым без вестак, ягоным дзецям выплачвалі пенсію. А пасля ён знайшоўся
Жыхар Аршанскага раёна доўгі час не плаціў аліменты на сваіх траіх непаўналетніх дзяцей. У адносінах да яго нават завялі крымінальную справу за ўхіленне ад утрымання дзяцей. Падчас расследавання мужчына з’ехаў з Беларусі, і доўгі час пра яго нічога не было вядома, паведамляе пракуратура Віцебскай вобласці.
Праз некалькі гадоў, беручы пад увагу знікнення мужчыны, суд у 2019 годзе прызнаў яго без вестак зніклым. Пасля такога рашэння дзецям пачалі выплачваць пенсію па страце кармільца. Гэтыя выплаты працягваліся больш за шэсць гадоў і ў суме склалі каля 77 тысяч рублёў.
Пазней мужчына вярнуўся ў Беларусь, і судовае рашэнне аб прызнанні яго без вестак адсутным адмянілі.
Далей пракурор звярнуўся ў суд з патрабаваннем спагнаць з бацькі грошы, якія дзяржава выплаціла дзецям замест ягоных аліментаў. Суд цалкам задаволіў гэты пазоў.
У выніку мужчына абавязаны вярнуць амаль 77 тысяч рублёў, і рашэнне ўжо ўступіла ў законную сілу.
Мінчанка пазбавіла бацьку сваёй дачкі бацькоўскіх правоў, проста каб яго «лішні раз не турбаваць»
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты
Адвакат патлумачыў, чым рызыкуюць пары без штампа ў пашпарце
Мужчына з Віцебшчыны праз 21 год дазнаўся, што дачка не яго
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары