Палескія клубніцы прадаюцца ў Мінску па 40 тысяч за кг, у Лунінецкім раёне — па 20—30 тысяч
Лунінецкія ўлады перанеслі аптовы клубнічны рынак са скрыжавання дарог у вёску Дварэц
Ад пятніцы 5 чэрвеня ў Лунінецкім раёне адкрыўся новы клубнічны рынак. Улады забаранілі прадаваць ягады на скрыжаванні аўтамагістралі М-10 у Дварцы. У вёсцы за метраў 500 ад трасы зрабілі «рынак».
У першы дзень працы рынку трускаўкі закупілі каля 40 скупшчыкаў.
Цана ягады вагалася ў межах 20—25 тысяч, у пятніцу ўвечары дасягала 30 тысяч. У Мінску палескія клубніцы прадаюць за 40 тысяч рублёў.
Рынак для скупшчыкаў платны. Ад 70.000 да 250.000 за месца.
На скрыжаванні ж машыны ганяюць. Маўляў, скупчанне тут замінае руху, стварае небяспеку аварый.
Праўда, улады, як заўжды, галоўнага не прадумалі. Ягады баяцца спёкі, на сонцы цякуць. А на новым «рынку» — ані ценю. Між тым ад асфальту ўтвараецца павышаная тэмпература. Таму перасяленнем незадаволеныя ані прадаўцы, ані купцы.
Цяпер чытаюць
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары