Якім мае быць беларускі выпускны: ВІДЭА і ФОТА з 23-й гімназіі Мінска
12 чэрвеня ў 23-й гімназіі г. Мінска прайшоў выпускны вечар. Адукацыйная ўстанова мае асаблівы статус: у гімназіі цалкам беларускамоўнае выкладанне. Беларуская мова, нацыянальныя строі і песня Вольскага ў відэарэпартажы Нашай Нівы.
Некаторыя выпускнікі і бацькі апранулі нацыянальныя строі, выпускны вечар ішоў на беларускай мове. Паўсюль веяла беларускасцю, атмасфера выпускнога балю была вельмі цёплай і прыязнай.
Калі апісаць выпускны вечар адным словам, то гэта — шчырасць. Вучні вельмі любяць сваю класную кіраўніцу, сваіх настаўнікаў, сваю гімназію. Слёзы каціліся па шчоках, гэта былі шчырыя і сапраўдныя слёзы выпускнікоў, бацькоў, настаўнікаў. Прыязная атмасфера — гонар для кожнага калектыву. Калі глядзіш на гэтых выпускнікоў, прыходзіш да разумення, што ў гэтай гімназіі ўсё атрымалася.
Трэба адзначыць, што беларуская мова гучала не завучанай, не нацягнутай, а мілагучнай, узорнай і прыгожай. Такую павагу да роднай мовы і гісторыі пабачыш не штодзённа і не паўсюль.
Вось, напрыклад, дзяўчаты-выпускніцы апранулі нацыянальныя строі на выпускны.
«На апошні званок мы замаўлялі выпускныя стужкі з нацыянальным арнаментам ад symbal.by, а на выпускны вечар вырашылі апрануць сукенкі з нацыянальным арнаментам».
А вось сям’я, якая з гонарам апранула вышыванкі на выпускны сваёй дачкі.
«Мы 11 гадоў рыхтаваліся да выпускнога, і, раз бо мы беларусы, — апранулі вышыванкі».
Выпускны пакінуў вельмі добрыя ўражанні і таму хацелася пажадаць будучым студэнтам, а пасля спецыялістам, сачыць за сваімі ўчынкамі, імкнуцца не рабіць памылак і знайсці сваё месца ў жыцці!
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары