Сёння жаночая зборная Беларусі (галоўны трэнер — Анатоль Буяльскі) правядзе на чэмпіянаце Еўропы па басктболе матч супраць моцнай зборнай Францыі (гульня пачнецца ў 21:30, Беларусь-5).
Па выніках дня вырашыцца, ці крочыць наша зборная ў 1/4 фіналу (а гэта азначае, што працягне барацьбу за пуцёўку на Алімпіяду ў Рыа), або завершыць барацьбу.
На папярэднім этапе беларускія дзяўчаты перамаглі ва ўсіх чатырох матчах (Італія, Польшча, Турцыя, Грэцыя), выйшлі далей з першага месца, але ў 2-м раўндзе пацярпелі две паразы: ад Чэхіі і Чарнагорыі.
І таму сёння — вырашальны дзень.
Турцыя — 7 (4), Францыя — 7 (4), Чарнагорыя — 6 (4), Беларусь — 6 (4), Грэцыя — 5 (4), Чэхія — 5 (4).
За перамогу даецца два балы, за паразу — адно
Перамога над Францыяй у любым выпадку гарантуе беларускам месца ў плэй-оф.
Але францужанкі ў баскетболе, гэта як іх мужчыны ў футболе.
Але перад матчам Беларусь — Францыя, пройдзе два іншыя паядынкі ў групе: Турцыя — Чэхія (16:30) і Чарнагорыя — Грэцыя (19:00).
Перамога Турцыі, напрыклад, гарантуе беларускам пуцёўку ў плэй-оф.
А вось калі Турцыя прайграе, то ўсе надзеі на перамогу беларусак над Францыяй.
Цяпер чытаюць
«Калі б у Беларусі ўсё было добра, то вашы б не ехалі сюды па каўбасу». Рэпартаж з прымежных Баброўнікаў5
Каментары