Мінск пагражае Кіеву «дзеяннямі ў адказ» пасля здарэння з аўтобусам у Бранскай вобласці
Беларусь пакідае за сабой права прыняць меры ў дачыненні да Украіны для абароны жыцця сваіх грамадзян, але ўцягнуць сябе ў ваенныя дзеянні не дазволіць. Пра гэта заявіў пастаянны паўнамоцны прадстаўнік Беларусі пры СНД Ігар Назарук.
Назарук падкрэсліў, што Мінск расцэньвае тое, што адбылося з аўтобусам у Бранскай вобласці, як наўмысную пагрозу бяспецы сваіх людзей, і гатовы выкарыстаць усе даступныя інструменты для рэагавання.
Што маецца на ўвазе, чыноўнік не ўдакладніў, але дадаў, што Беларусь не дазволіць уцягнуць краіну ў наўпроставыя ваенныя дзеянні.
Назарук падкрэсліў, што рэакцыя Мінска будзе стрыманай, але рашучай. «Хачу сказаць, што Рэспубліка Беларусь гэтым тэрактам не спужаецца, нас не ўцягнуць у нейкія ваенныя дзеянні. Але рашучы адпор [будзе]. У нас ёсць і сілы, і сродкі, і магчымасці. Я веру, што мы будзем дзейнічаць спакойна, але пры гэтым жорстка і ў інтарэсах не толькі нацыянальных, але і ў інтарэсах міру ў рэгіёне Вялікай Еўразіі», — сказаў ён.
17 чэрвеня, па версіі расійскага боку, украінскі беспілотнік самалётнага тыпу атакаваў у Бранскай вобласці Расіі аўтобус, які вёз дзіцячую футбольную каманду з Беларусі ў Геленджык на адпачынак. У выніку ўдару загінула жанчына, яшчэ восем чалавек атрымалі раненні. Адзін дзіцёнак і адзін дарослы знаходзяцца ў цяжкім стане. Украінскі бок дачыненне да атакі адмаўляе.
-
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»
-
У продажы з’явілася пашыранае англамоўнае выданне кнігі Алеся Бяляцкага
-
«Хто праз вёску едзе — спыняецца, фатаграфуе». Беларуска расказала пра гісторыю векавога дрэва на сваёй сядзібе
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»7
Каментары
О як - Вялікай Еўразіі !!!!!
Як казаў герой славутага рамана Мастер и Маргарита - Готово дело, белая горячка