Пусты ўчастак у прыгарадзе Мінска прадалі за 192 тысячы даляраў
Сёння адбыўся аўкцыён па продажы зямельных участкаў у прыватную ўласнасць для будаўніцтва жылых дамоў і вядзення асабістай падсобнай гаспадаркі ў Мінскім і Бярэзінскім раёнах. Пра яго вынікі піша Realt.
Усяго на аўкцыён былі выстаўлены 23 участкі, з іх 22 — у Мінскім раёне і 1 — у Бярэзінскім.
Бараўлянскі сельсавет прапанаваў на аўкцыён 5 участкаў.
Два надзелы ў Ляскоўцы на вуліцы Шчаслівай, 17А і 17Б маюць плошчу па 22 соткі. Іх выставілі на таргі па аднолькавай пачатковай цане — па 250 000 рублёў. Да будучых дамоў можна падвесці электрычнасць і газ.
На першы лот падалі 5 заявак. Яго прадалі за 535 897 рублёў (192 326 даляраў па курсе Нацбанка).
На другі лот паступіла 7 заявак. Яго купілі за 536 000 рублёў (192 363 даляры).
Участак у Малінаўцы на вуліцы Цэнтральнай, 65Б мае 12 сотак, там таксама ёсць электрычнасць і газ. На яго прэтэндавалі 3 чалавекі. Пры стартавай цане 150 000 рублёў надзел прадалі за 215 000 рублёў (77 160 даляраў).
Па самай высокай пачатковай цане — за 306 342 рублі — быў выстаўлены вялікі ўчастак (25 сотак) з электрычнасцю і газам у вёсцы Валяр’янава. На яго падалі адну заяўку. Лот прадалі адзінаму заяўніку за 321 659 рублёў (115 439 даляраў).
Калодзішчанскі сельсавет прапанаваў на аўкцыён два зямельныя надзелы.
Адзін участак размешчаны ў пасёлку Гарадзішча на вуліцы Цяністай, 19А. Плошча надзела складае 14 сотак, ёсць магчымасць падвядзення электрычнасці і газу. Купіць участак пажадалі 5 чалавек. Пры пачатковай цане 80 500 рублёў лот прадалі за 172 559 рублёў (61 929 даляраў).
Другі зямельны надзел знаходзіцца ў аграгарадку Калодзішчы на вуліцы Серабрыстай, 33. Ён налічвае 16 сотак, абсталяваны электрычнасцю, газам і водаправодам. Яго выставілі на таргі за 150 000 рублёў. На лот паступіла 10 заявак.
У выніку яго прадалі за 475 000 рублёў (170 471 даляр).
Больш падрабязную інфармацыю аб лотах і выніках продажаў участкаў глядзіце ў табліцы.
Каментары