Раскруціць паблік з прыгожымі дзяўчатамі сёння складана. Такіх раскручаных праектаў у інстаграме, вк ці tumblr шмат. Але калі дадаць да прыгожых дзяўчат шаурму, то справа пойдзе.
Маскоўскі SMM-шчык пабачыў фота знаёмай з шаурмой у канцы мая, стварыў старонку, і менш чым за месяц колькасць падпісчыкаў вырасла да дзесяці тысяч. Выглядае гэта так:
Шаурма — даступная ежа, якая часта робіцца прадметам насмешак у рускамоўным інтэрнэце. А вось іранічнае спалучэнне яе з прыгожымі дзяўчатамі аказалася паспяховым. Пра набіраючы папулярнасць паблік пішуць нават заходнія СМІ.
Варта адзначыць, што карыстальніцы самі скідваюць свае фотаздымкі. Геаграфія — ад Уладзівастока да Кіева і Тбілісі. Беларускіх прыгажунь з шаурмой няма — у адрозненне ад іншых гарадоў, набыць яе ў Мінску можна толькі ў лічаных месцах.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску5
Каментары