Засталося зменшыць яго ў дзясяткі тысяч разоў.
Навукоўцы Каралінскага інстытута (Швецыя) распрацавалі штучную біяэлектронную копію нейрона, пра што распавялі ў часопісе Biosensors and Bioelectronics.
Штучны нейрон не мае ніводнай «жывой» часткі, але здольны да той жа функцыі, што і чалавечая нервовая клетка, ды камунікуе такім жа спосабам.
Створаныя навукоўцамі «кіберклоны» нейронаў, як і сапраўдныя нейроны, здольныя канвертаваць хімічныя сігналы ў электрычныя і наадварот. З адной крыніцы хімічнага сігналу, талерачкі з рэчывам, апарат атрымлівае інфармацыю, якую канвертуе ў электрычны сігнал, а затым перадае інфармацыю ў другую талерачку праз нейрамедыятар — рэчыва пад назвай ацэтылхалін. Уздзеянне нейрамедыятару на арганізм можна прасачыць.
Пакуль што штучны нейрон у дзясяткі тысяч разоў большы за сапраўдны нейрон (апошнія маюць памеры цела ад 3 да 130 мікраметраў). Навукоўцы пакуль не дадалі нават бесправадное дыстанцыйнае кіраванне штучным нейронам.
Але сам факт капіявання функцый нейронаў дэманструе патэнцыял біяэлектронных нейронаў у тэрапіі: тэарэтычна, яны змогуць замяніць пашкоджаныя нервовыя клеткі і дапамагчы ў лекаванні звязаных з такімі пашкоджаннямі хвароб.
-
Кітайская кампанія прэзентавала першага поўнапамернага робата-гуманоіда, які адчувае дотык і бегае марафоны
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
Каментары