Паведамляецца, што ў доме 61-гадовага музыкі на момант затрымання знаходзіліся прастытуткі.
У ноч на нядзелю, 19 ліпеня ва ўласным доме ў Новай Зеландыі быў затрыманы 61-гадовы Філ Рад, бубнач рок-гурту AC/DC, паведамляе New Zealand Herald.
Арышт адбыўся праз 10 дзён пасля таго, як Рад атрымаў 8 месяцаў хатняга арышту за пагрозу забойства і захоўванне наркотыкаў. Прычыны новага затрымання — парушэнне ўмоў хатняга арышту, звязанае з захоўваннем і ўжываннем алкаголю.
Паведамляецца, што на момант затрымання ў доме Рада знаходзіліся прастытуткі.
У панядзелак паліцыя адпусціла Рада пад заклад. Ён мусіць з’явіцца ў судзе 3 жніўня. Свой арышт Рад пракаментаваў толькі сярэднім пальцам.
У красавіку Рад прызнаў віну ў пагрозе забойства свайго знаёмага і яго дачкі, што дапамагло яму атрымаць толькі хатні арышт. Падчас ператрусу ў яго доме былі знойдзеныя метамфетамін і каноплі.
***
Рад далучыўся да AC/CD у 1975 годзе, праз два года па заснаванні, пакінуў гурт у 1983-м і вярнуўся ў 1994-м. Апошні на сёння альбом гурту, «Rock or Bust», выйшаў без удзелу сузаснавальніка і гітарыста Малкальма Янга, які пакінуў гурт праз стан здароўя, а тур у яго падтрымку даваўся і без Рада, які быў заменены на Крыса Слэйда. На сёння Рад ужо не прылічваецца да афіцыйнага складу гурту.
Цяпер чытаюць
Полк Каліноўскага паведаміў пра гібель трох байцоў3
Каментары