Улада3131

Сойм Партыі БНФ даў перадвыбарны наказ Таццяне Караткевіч

Сойм Партыі БНФ 25 ліпеня вызначыў пералік прынцыповых пазіцый, якія хоча бачыць у праграмных дакументах актывісткі кампаніі «Гавары праўду» Таццяны Караткевіч, якую падтрымлівае партыя на прэзідэнцкіх выбарах у межах кааліцыі «Народны рэферэндум».

Як зазначыў старшыня партыі Аляксей Янукевіч, звязана гэта з тым, што Караткевіч ужо рабіла «супярэчлівыя выказванні».

Партыя БНФ мяркуе, што ў праграмных дакументах Караткевіч незалежнасць Беларусі будзе з'яўляцца «вышэйшай каштоўнасцю». Пры гэтым у выпадку свайго абрання на вышэйшую дзяржаўную пасаду яна павінна «прыкласці ўсе намаганні для яе захавання і ўмацавання».

У мэтах пазбягання ўцягвання Беларусі ў ваенныя канфлікты Караткевіч прапаноўваецца настойваць на тым, што замежныя войскі і аб'екты ў максімальна кароткія тэрміны будуць выведзеныя з тэрыторыі Беларусі.

У праграмных дакументах Караткевіч, на думку Партыі БНФ, павінна прысутнічаць таксама палажэнне аб тым, што ўсе міжнародныя дамоўленасці Беларусі будуць перагледжаныя «на прадмет іх адпаведнасці нацыянальным інтарэсам краіны». Пры гэтым Беларусь выйдзе з тых, якія інтарэсам краіны не адпавядаюць.

Караткевіч прапаноўваецца ставіць мэтай правядзенне канстытуцыйнай рэформы, мэтай якой стане «вяртанне да дэмакратычных норм кіравання і прынцыпаў вяршэнства права, змяншэнне паўнамоцтваў прэзідэнта на карысць парламента і абмежаванне часу знаходжання на пасадзе двума тэрмінамі».

Апрача таго, Партыя БНФ прапаноўвае Караткевіч выкарыстаць у сваіх праграмных дакументах наступныя палажэнні: у якасці дзяржаўных сімвалаў будуць вернуты бел-чырвона-белы сцяг і герб «Пагоня»; будзе забяспечана прыярытэтнае развіццё беларускай мовы і культуры, а ў перспектыве — пераход на беларускую мову як адзіную дзяржаўную; будзе падтрымлівацца інстытут традыцыйнай беларускай сям'і як асновы беларускага грамадства; у міжнароднай палітыцы Беларусь будзе кіравацца прынцыпам цэласнасці і непадзельнасці дзяржаў.

Каментары31

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай11

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай

Усе навіны →
Усе навіны

Наколькі добра дзіця будзе спаць уначы, вызначаецца яшчэ да нараджэння. І будучая маці можа на гэта паўплываць

Тэлевізары LG «гніюць» з краёў: працяглы тэст паказаў праблему OLED-экранаў

Ціханоўская — генсаку АБСЕ: Дыялог з Мінскам павінен пачынацца з пытання палітвязняў6

У Салігорску паказалі, што робіцца ў адным з дамоў са смеццеправодам ВІДЭА8

На дне Міжземнага мора знайшлі каля 1300 нейкіх кругоў. Як яны ўтварыліся?2

У Браславе басейн, адкрыты да 7 лістапада, спыніў працу ўжо праз некалькі дзён2

Еўрасаюз адправіць на перамовы з Расіяй цэлую каманду3

«Людзі, якія прымаюць рашэнні і ставяць подпісы, сталі хавацца». Адвакатка Ціханоўскага, Бабарыкі і Дзядка расказала пра суддзяў, якія выносяць незаконныя прысуды3

«Сняданак па 74 капейкі, абед па 43 капейкі». Беларуска расказала, як харчуецца на $50 у месяц6

больш чытаных навін
больш лайканых навін

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай11

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай

Галоўнае
Усе навіны →

Заўвага:

 

 

 

 

Закрыць Паведаміць