«Мінсктранс» задумаўся пра бясплатны Wi-Fi ў гарадскім транспарце
Што дакладна, бясплатны Wi-Fi з’явіцца на ўсіх іх міжнародных маршрутах.
Дзяржаўнае прадпрыемства «Мінсктранс» пачало разгляд пытання пра прадстаўленне бясплатнага доступу ў інтэрнэт праз Wi-Fi у гарадскім транспарце Мінска, перадае БЕЛТА словы дырэктара прадпрыемства Сяргея Ведзьгуна.
На сёння бясплатны Wi-Fi ёсць у чатырох міжнародных аўтобусах «Мінсктранса», да канца года з’явіцца ва ўсіх міжнародных. Таксама «Мінсктранс» хоча правесці эксперымент у гарадскім аўтобусе №300 (ад аўтавакзала «Цэнтральны» да нацыянальнага аэрапорта «Мінск»).
Калі Wi-Fi у 300-м аўтобусе будзе запатрабаваны, абмяркуюць расшырэнне эксперыменту на іншыя маршруты гарадскога транспарту.
Транспартнікі «абедзвюма рукамі за», адзначае TUT.BY, але ўсё залежыць ад таго, як прыжывецца Wi-Fi у асяроддзі пасажыраў і як прадпрыемства справіцца з затратамі. Квіткі на Wi-Fi-транспарт не мусяць быць даражэйшымі за «афлайнавы».
Раней паведамлялася, што бясплатны Wi-Fi з’явіцца на міжнародных аўтобусах «Мінаблтранса».
***
Пры карыстанні нават бясплатным Wi-Fi згодна з «указам 60» у Беларусі патрабуецца ідэнтыфікацыя асобы праз атрыманне пашпартных дадзеных. Спраўдзіць іх на міжнародных маршрутах можна пры пакупцы квітка, з гарадскім транспартам цяжэй, але можна абысціся і без уласна прад’яўлення пашпарта.
З задачай ідэнтыфікацыі без прад’яўлення пашпарту ў Магілёве справіліся праз увядзенне абанентам свайго нумару тэлефону дзеля атрымання SMS-паролю на падключэнне да сеткі. Падобным чынам мусіць функцыянаваць першая мінская «Wi-Fi-лаўка-прышчэпка».
Хто з беларусаў трапіў на прыём да прэзідэнта Польшчы ШМАТ ФОТА10
Каментары