У рэдактара сайта «Радыё Рацыя» на мытным пункце «Гродна-2» канфіскавалі «крамольныя» выданні.
Журналіст Аляксей Трубкін быў затрыманы на тры гадзіны для складання пратаколаў і дачы тлумачэнняў на гродзенскім тэрмінале чыгуначнага вакзала. Выпадак адбыўся у ноч з пятніцы на суботу, хлопец акурат вяртаўся ў Беларусь цягніком «Малкіня-Гродна».
Мытнікам не спадабалася кніжка Андрэя Пачобута «System Białoruś» з фота кіраўніка Беларусі на вокладцы, а пасля да яе далучылі «Агляд-хроніку парушэнняў правоў чалавека ў Беларусі за 2010 год» выдання праваабарончага цэнтру «Вясна». Гістарычныя кнігі Мірановіча ды Косіма, якія таксама знайшліся ў заплечніку журналіста, мытнікаў не зацікавілі. А вось «Агляд-хроніка» і кніга Пачобута засталіся ў мытнікаў – іх канфіскавалі паводле адмысловага акту. Далейшы лёс выданняў будуць вызначаць дзяржаўныя эксперты.
Цяпер чытаюць
Новы пасол Украіны па пытаннях Беларусі: «Прызнаём Ціханоўскую лідарам. А ў Лукашэнкі няма манаполіі на голас народа»66
Каментары