Упершыню прэзідэнцкія выбары ў Беларусі пройдуць без адкрыта апазіцыйных кандыдатаў
Старшыня Аб’яднанай грамадзянскай партыі Анатоль Лябедзька ў інтэрв’ю «Нашай Ніве» паведаміў, што ягоная ініцыятыўная група не будзе здаваць сабраныя подпісы ў Цэнтрвыбаркам.
«Дакладную лічбу магу назваць толькі ў панядзелак. Цяпер ідзе звядзенне канчатковых лічбаў», — кажа Лябедзька.
Старшыня АГП шкадуе толькі аб тым, што страціць магчымасць выступіць на дзяржаўным тэлебачанні. «Па ўсіх іншых пунктах праца будзе працягвацца ў такім самым рэжыме. Мы будзем ставіць пікеты, піярыць праграму «Мільён новых рабочых месцаў». Магчыма, пачнем збор подпісаў за адстаўку ўрада і старшыні ЦВК Лідзіі Ярмошынай».
Лябедзька ставіць пад сумнеў, што патрэбную колькасць подпісаў сабраў нават Аляксандр Лукашэнка. «Нашы пікеты знаходзіліся побач. За Лукашэнку падпісвалася ў 5—6 разоў меней. Магчыма, ён змог сабраць 200 тысяч пашпартоў, але ніяк 100 тысяч подпісаў».
Раней пра выхад з кампаніі заявіў кіраўнік Партыі левых «Справядлівы свет» Сяргей Калякін.
Такім чынам, у кампаніі застаецца толькі Таццяна Караткевіч. Яна выйшла з апазіцыйных структур, але на выбары ідзе, не крытыкуючы Аляксандра Лукашэнкі.
Падтрымліваць кагосьці з кандыдатаў, што маюць намер заставацца ў выбарах Лябедзька не плануе.
Калякін заявіў, што не верыць, што Караткевіч удалося назбіраць 100 тысяч подпісаў, неабходных для рэгістрацыі. Ён заклікаў сваіх прыхільнікаў галасаваць супраць усіх.
Упершыню прэзідэнцкія выбары ў Беларусі пройдуць, фактычна, без адкрытай крытыкі прэзідэнта. Раней такія выбары мелі месца толькі ў Казахстане і краінах Цэнтральнай Азіі.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары