Пашырэнне падвала каштавала жыцця 46-гадоваму мужчыну.
Як паведамляе Мінскае гарадское ўпраўленне МНС, 9 верасня прыкладна ў 17 гадзін паступіла інфармацыя, што на тэрыторыі прыватнага домаўладання ў Заводскім раёне па вуліцы Украінскай у падвале гаража бетоннай плітай заваліла чалавека.
Загінулы мужчына 1969 года нараджэння праводзіў будаўнічыя (землярыйныя) работы па паглыбленні і пашырэнні падвала гаража. Падчас работ адышла знешняя пліта падмурка пры ўваходзе ў гараж, у выніку чаго мужчына быў блакіраваны і атрымаў траўмы, не сумяшчальныя з жыццём.
Рэанімацыйная брыгада, якая прыбыла на месца НЗ, пасля агляду пацярпелага канстатавала смерць.
Выманне загінулага з-пад завалаў праводзілася да 20.36.
Каментары