У чацвер, 10 верасня, амерыканскі канцэрн United Launch Alliance (ULA) і кампанія Blue Origin абвясцілі аб падпісанні кантракту на вытворчасць ракетных рухавікоў ВЕ-4, якія павінны будуць замяніць рухавікі РД-180 вытворчасці Расіі.
Адзначаецца, што новыя ракетныя рухавікі ВЕ-4 будуць выкарыстоўвацца ў сістэме запуску наступнага пакалення Vulcan.
«Рухавік ВЕ-4 з'яўляецца найбольш хуткім шляхам да альтэрнатывы расейскаму РД-180, што вырабляецца ў ЗША. Яго распрацоўка ідзе па раскладзе, які прадугледжвае дасягненне гатоўнасці да палёту ў 2017 годзе і першы палёт у 2019 годзе», — кажуць у Blue Origin.
Выданне The Wall Street Journal пісала, што залежнасць ЗША ад расейскіх ракетных рухавікоў РД-180 негатыўна адбіваецца на нацыянальнай бяспецы краіны. Акрамя гэтага, дадзены аспект значным чынам супярэчыць эканамічным санкцыям, якія былі ўведзеныя супраць Расеі.
У пачатку чэрвеня ВПС ЗША афіцыйна абвясцілі конкурс на стварэнне ракетных рухавікоў для замены расійскіх РД-180.
Падкрэсліваецца «тэрміновая неабходнасць» спыніць выкарыстоўваць расійскія ракетныя рухавікі для запускаў ваенных і разведвальных спадарожнікаў. Аднак Пентагон запэўніў, што не можа абысціся без расейскіх ракетных рухавікоў яшчэ некалькі гадоў.
У лісце да кангрэсменаў ад 11 мая міністр абароны Эштан Картэр і дырэктар нацыянальнай разведкі Джэймс Клэпер заявілі, што Пентагон сутыкнецца з сур'ёзнымі праблемамі пры забеспячэнні доступу да космасу для самых далікатных абаронных і разведвальных тэхналогій краіны, калі забарона на расійскія рухавікі застанецца ў сіле.
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў9
Каментары