Кіраўнік Белтэлерадыёкампаніі Генадзь Давыдзька ў праграме «Клуб рэдактараў» на канале «Беларусь-1» раскрытыкаваў паводзіны беларускіх фанатаў на адборачным матчы Чэмпіянату Еўропы Украіна — Беларусь.
«Што гэта за братанні ўкраінскіх і беларускіх фанатаў? Вось тут у «Нашай Ніве» і «Народнай Волі» гэтыя ружовыя соплі пра матч у Львове. Што гэта за салідарнасць беларусаў і супраць каго? Што ім зрабіла Расія?
Мяне зараз цікавіць гэтая маленькая частка людзей. Што гэтыя юныя манкурты маюць супраць Расіі, супраць сённяшняй расійскай моладзі, супраць культуры расійскай? Што, на нас пруць іх танкі?
Чаму нашу краіну прадстаўляюць юныя нацысты? Куды глядзіць Беларуская федэрацыя футбола?» — сказаў Давыдзька.
Глядзі таксама: Парашэнка падзякаваў беларускім заўзятарам: Жыве Беларусь!
