Нягледзячы на спад продажаў за мяжой і ўзмацненне канкурэнцыі, такія прамысловыя гіганты Беларусі, як МАЗ і МТЗ, нацэленыя на пашырэнне штата. Пра гэта піша «Люстэрка», абапіраючыся на даныя закрытых дакументаў, атрыманых пры дапамозе Belpol.
На МТЗ у 2024-м паступова скарачалася колькасць работнікаў. Калі ў студзені-сакавіку ў сярэднім іх было 15 032, то да канца года — ужо 14 805. Але на гэтым прадпрыемстве плануюць актыўна набіраць работнікаў у 2025-м: чакаецца, што ў сярэднім іх стане 15 330 чалавек. Гэта на 525 больш, чым у апошнім квартале мінулага года. Для параўнання: у 2020-м на гэтым заводзе было 15 753 работнікі.
У 2024-м на МАЗе сярэдняя колькасць работнікаў была 13 259. Сёлета штат хочуць павялічыць да 14 997 — гэта значыць на 1738 чалавек. Для параўнання: у 2020-м тут працавала ў сярэднім 15 387 чалавек, а ў 2019-м — 15 599.
У той жа час на «Гомсельмашы» па планах заяўлялася, што ў 2024-м там павінна было працаваць у сярэднім за год 8819 чалавек, а на справе супрацоўнікаў было 8483, вынікае са справаздачы прадпрыемства.
Раней, калі пасля прэзідэнцкіх выбараў у 2020 годзе на прадпрыемствах краіны пачаліся пратэсты, Аляксандр Лукашэнка заявіў, што тых, хто разгойдвае сітуацыю на заводах, трэба звальняць.
«Слухайце, у нас залішняя колькасць на МТЗ, МАЗе, БЕЛАЗе — усюды. Хай ідуць. Але на заводах ім пасля гэтага месца быць не павінна», — заяўляў ён.
Пасля гэтага на заводах сталі звальняць людзей, а хтосьці пайшоў з іх сам, не чакаючы рэпрэсій.
МТЗ у гонар перапрызначэння падарыў Лукашэнку трактар ВІДЭА
BELPOL раскрыў схемы, як Беларусь зарабляе на вытворчасці дэталяў для расійскіх снарадаў
«Адсядзеў за сына 40 сутак». Рабочы МТЗ адчуў сябе чалавекам у 2020-м. Вось як склалася яго жыццё далей
Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»
Навошта Лукашэнку спатрэбіліся 150 тысяч пакістанцаў?
Каментары