З коміна Сіксцінскай капэлы ідзе чорны дым. Сёння пройдуць яшчэ тры туры.
У Ватыкане працягваецца канклаў — сход кардыналаў для выбару новага Папы. Аднак на чарговым галасаванні новы кіраўнік Каталіцкай царквы так і не быў абраны: з коміна Сіксцінскай капэлы зноў пайшоў чорны дым — знак таго, што рашэнне не прынята.
Для абрання Папы патрабуецца, каб за кандыдата прагаласавалі не менш за дзве траціны з больш як 130 кардыналаў. Да таго часу, пакуль не будзе дасягнуты гэты парог, канклаў працягнецца, і кардыналы будуць збірацца на новыя раўнды галасавання.
Чорны дым — традыцыйны сігнал таго, што кансэнсусу няма. Калі ж новы Папа будзе абраны, з коміна пойдзе белы дым, і на плошчы Святога Пятра абвесцяць: «Habemus Papam» — «Мы маем Папу».
Сённяшнія туры галасавання ў Сіксцінскай капэле прызначаны на 13:00, 18:30 і 20:00 па мінскім часе. У любым з іх любы з кандыдатаў можа атрымаць падтрымку дзвюх трацін удзельнікаў канклава — менавіта столькі патрабуецца для абрання новага Папы Рымскага.
Аптымізму адносна хуткага рашэння дадае агульны настрой кардыналаў — многія выказвалі ўпэўненасць, што доўга дамаўляцца не давядзецца.
Гісторыя падтрымлівае такі сцэнар. Напрыклад: папа Францішак быў абраны ў 2013 годзе на пятым туры галасавання:, Бенедыкт XVI у 2005 годзе — ужо на чацвёртым туры.
У абодвух выпадках гэта здарылася на другі дзень канклава, як і сёння.
Былога супрацоўніка контрразведкі КДБ арыштавалі за здраду дзяржаве9
Каментары
То бок, калі апоўдні бачым чорны дым, гэта значыць, што два галасаванні не прынеслі жаданага выніку. То бок сёння ўвечары будзе яшчэ адзін тур (а не тры, як у тэксце), які складаецца з, прынамсі, аднаго галасавання (а, мо, й з двух).