45-гадовую Алену Шарабайку, жыхарку Глыбокага, асудзілі паводле артыкула аб грубым парушэнні грамадскага парадку (артыкул 342 КК). Гэта вынікае з абноўленага 8 мая «спісу экстрэмістаў» на сайце МУС, піша «Медыязона».
Ілюстрацыйнае фота
Справу Алены разглядаў суд Глыбоцкага раёна. Дакладны прысуд не ўказаны, але, як мяркуецца, гаворка ідзе пра «хатнюю хімію», бо насупраць прозвішча стаіць пазнака «судзімасць не пагашана».
У выпадках, калі чалавек адбывае пакаранне ў калоніі, побач з ім указваюць «адбывае пакаранне».
Удакладненне ў 23:00. Першапачаткова «Медыязона» паведамляла, што Алена Шарабайка — жонка вядомага бодзібілдара Аляксандра Шарабайкі, але гэта аказалася няпраўдай.
Каментары