У Мінску 9 мая з 9:00 да 12:00 перакрыюць рух каля плошчы Перамогі. Там з 10:00 пройдзе цырымонія ўскладання вянкоў да манумента Перамогі. У выніку часова зменіцца работа некаторых маршрутаў пасажырскага транспарту.
Так, рух аўтобусаў № 18, 26, 26д і 26а будзе арганізаваны па пр. Машэрава, вул. Казлова, вул. Змітрака Бядулі, вул. Першамайская.
Акрамя гэтага, аўтобусы № 100, 115Э, а таксама тралейбусы № 22 пройдуць па пр. Незалежнасці, вул. Свярдлова, вул. Ульянаўская, вул. Першамайская, вул. З. Бядулі, вул. Казлова і пр. Незалежнасці.
Падчас цырымоніі аўтобусны маршрут № 115Э будзе ехаць без прыпынкаў на прамежкавых прыпыначных пунктах. А рух аўтобусаў па маршруце № 300Э будзе арганізаваны ад аўтавакзала «Цэнтральны», па вул. Бабруйская, вул. Свярдлова, вул. Маякоўскага, вул. Аранская, пр. Партызанскі, вул. Ванеева, вул. Ваўпшасава, вул. Радыяльная, вул. Філімонава, пр. Незалежнасці.
Таксама 9 мая рух перакрыюць і ў іншых частках Мінска.
Напрыклад, з 14:00 яго абмяжуюць па пр-це Машэрава (ад вул. Даумана да Ціміразева) і Пераможцаў (ад вул. Мельнікайце да Ігнаценкі) ў абодвух напрамках да заканчэння мерапрыемстваў, звязаных з парадам.
У гэтым годзе ваенны парад у Мінску пачнецца ўвечары ў 20:30.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары