Беларускі ПЭН-цэнтр надаў званне ганаровага сябра пяці дзеячам культуры і мецэнатам.
Сярод іх Павел Бераговіч — фундатар шматлікіх культурных праектаў, Сяргей Жадан — украінскі паэт, эсэіст і перакладчык, Аляксандр Ірванец — украінскі пісьменнік і перакладчык, Генрых Кіршбаўм — нямецкі літаратуразнаўца-славіст і Марыя Сёдэрберг — шведская пісьменніца, журналістка і прамоўтарка беларускай літаратуры ў Швецыі.
Пра гэта паведамляецца ў прэс-рэлізе пісьменніцка-журналісцкай арганізацыі.
На сёння ў Беларускі ПЭН-цэнтр уваходзяць 20 ганаровых сяброў. Усе яны — пісьменнікі, перакладчыкі, грамадскія дзеячы, навукоўцы, мецэнаты, якія з’яўляюцца грамадзянамі іншых краінаў, падтрымліваюць цесныя сувязі з Беларуссю і робяць унёсак у развіццё беларускай культуры. Ганаровымі сябрамі Беларускага ПЭН-цэнтра з’яўляюцца, да прыкладу, патрыярхі беларускай дыяспары ў ЗША Янка Запруднік, Вітаўт Кіпель, брытанскі літаратуразнаўца Арнольд Макмілін, польскі перакладчык Адам Паморскі.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай86
Каментары