У прадмесці Рыма знайшлі рэшткі збудаванняў больш чым двухтысячнай даўніны
У прыгарадзе Рыма італьянскія археолагі знайшлі вялікі археалагічны комплекс з рэшткамі пахаванняў, святыні і рытуальных басейнаў, узрост якіх перавышае дзве тысячы гадоў. Знаходкі датуюцца перыядам ад V стагоддзя да нашай эры да I стагоддзя нашай эры і адносяцца пераважна да рэспубліканскай эпохі Старажытнага Рыма, паведамляе выданне Аrkeonews.
У цэнтры даследаванай тэрыторыі добра захавалася старажытная дарога III стагоддзя да н. э., якая ў той час ішла ўздоўж воднага шляху да ракі Аньене. Пазней, ужо ў I стагоддзі да н. э., яе адгалінаванні ўмацавалі каменнай кладкай. Аднак з цягам часу шлях страціў сваё значэнне — пра гэта сведчаць пахаванні II—III стагоддзяў, знойдзеныя вакол, што, верагодна, было выклікана зменамі ў ландшафце.
На заканчэнні дарогі археолагі адкапалі невялікую капліцу з тынкаванымі сценамі, алтаром і нішай для статуі. Даследчыкі вызначылі, што яна была ўзведзена на месцы ахвярапрынашэнняў багам. Знойдзеныя статуэткі, бронзавыя манеты і выявы жывёл сведчаць, што святыня была прысвечаная рымскаму богу Геркулесу і функцыянавала ў канцы III або ў II стагоддзі да н. э.
Акрамя гэтага, на ўчастку знайшлі вапняковыя пахаванні з дзвюма грабніцамі, датаванымі IV — пачаткам III стагоддзя да н.э. У адной з іх знайшлі саркафаг, пахавальныя урны і розныя прадметы побыту, у другой — лавы ўздоўж сцен з мужчынскімі парэшткамі. Навукоўцы мяркуюць, што абедзве грабніцы першапачаткова былі злучаныя і належалі заможнай сям’і.
Таксама археолагі знайшлі два вялікія басейны даўжынёй 28 і 21 метр. У адным з іх знаходзілася вада, аднак дакладнае прызначэнне гэтых збудаванняў пакуль невядома. Існуе здагадка, што яны маглі выкарыстоўвацца для рэлігійных абрадаў.
Як адзначаюць даследчыкі, усе гэтыя знаходкі дапамагаюць лепш зразумець, як старажытныя рымляне выкарыстоўвалі гэтую мясцовасць як для рытуальных патрэб, так і для штодзённага жыцця.
У Італіі знайшлі базіліку, спраектаваную старажытнарымскім архітэктарам Вітрувіем
Кітайскія археолагі аднавілі пазалочаныя даспехі больш чым тысячагадовай даўніны
У Інданезіі знайшлі найстаражытнейшыя ў свеце ўзоры наскальнага жывапісу
Ля ўзбярэжжа Даніі знайшлі карабель узростам больш за 600 гадоў. Раней такія бачылі толькі на малюнках
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі23
Каментары