У Беларусі ўдасканалены парадак устанаўлення і размеркавання квот на вытворчасць алкаголю. Дадатковыя крытэрыі ўстанаўлення квот уведзеныя пастановай Савета міністраў ад 23 кастрычніка 2015 года № 893, паведамляе прэс-служба ўрада.
У прыватнасці, прадугледжана, што сумарны аб'ём частак квот на вытворчасць па кожным відзе алкагольнай прадукцыі, нехарчовага этылавага спірту, антысептычных лекавых, ветэрынарных і дэзінфіцыруючых сродкаў, якія адносяцца да нехарчовай прадукцыі з утрыманнем спірту, не можа перавышаць разліковай патрэбнасці ў іх, павялічанай на 10%.
«Гэта будзе садзейнічаць аптымізацыі вытворчых магутнасцяў, павышэнню эфектыўнасці іх выкарыстання, у тым ліку шляхам выпуску алкагольнай прадукцыі для паставак на экспарт», — зазначылі ў прэс-службе.
Пастанова набудзе моц праз тры месяцы пасля яе афіцыйнага апублікавання.
Каментары