Распрацоўваць новы танк — занадта дарагая і доўгая справа для Вялікабрытаніі, якая з 1995 года выкарыстоўвае танкі Challenger 2, паведаміла міністэрства абароны краіны.
«Падчас разгляду канцэптаў разглядаліся ўсе варыянты, ад «нічога» да пакупкі новага танка. Пакуль вытворчасць і кошт новага асноўнага баявога танка такія, што Сухапутная Армія наўрад ці пойдзе на гэта. Абралі варыянт мадэрнізацыі Challenger 2, фаза ацэнкі якога пачнецца ў пачатку 2016 году», — сказаў прадстаўнік установы.
Доўгі час брытанская армія не звяртала ўвагу на свае танкавыя ўзбраенні, бо ўдзельнічала ў аперацыях супраць баевікоў і іракскай арміі, для якіх цалкам дастаткова было існуючых машын.
Пытанне мадэрнізацыі і закупкі новага танка атрымала штуршок у 2014-2015 годзе. У гэтыя гады агрэсія Расіі супраць Украіны была ўспрынятая як вялікая пагроза для міра ў Еўропе, а з'яўленне новага расійскага танка Т-14 Армата выклікала занепакоенасць у адэкватнасці брані і ўзбраення брытанскіх танкаў.
Міністэрства абароны Вялікабрытаніі плануе выдаткаваць 15,4 млрд фунтаў ($23,4 млрд) на тэхніку і зброю для сухапутных сіл.
Challenger 2 прымаў удзел у баях падчас разгрому арміі Садама Хусэйна ў Іраку ў 2003 годзе, падчас якіх прадэманстраваў высокую ступень абароны ад супрацьтанкавых ракет. У адным баю адзін з танкаў атрымаў 14 пападанняў ракет супрацьтанкавых гранатамётаў з блізкай дыстанцыі, у тым ліку ад ракеты MILAN, пры гэтым экіпаж застаўся цэлым. У іншым баі яшчэ адзін Challenger 2 выжыў пасля 70 пападанняў ракет РПГ.
Танк лічыцца адным з найлепш браніраваных і абароненых у свеце.
Машына важыць 62,5 тоны, яе узбраенне складаецца са 120 мм пушкі і 2 кулямётаў 7,62 мм, хуткасць ад 40 км/г па бездарожжы да 59 км/г па дарозе. Экіпаж — 4 чалавекі.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна12
Каментары