У будынку прэзідыума Расійскай акадэміі навук на Вараб'ёвых гарах пры выбуху загінуў адзін чалавек, паведамляюць у панядзелак крыніцы навінавых агенцтваў.
Па іх паведамленнях, разарваўся балон з фрэонам.
«Надзвычайнае здарэнне адбылося ў адным з памяшканняў будынка акадэміі, размешчанай на Ленінскім праспекце. Разарваўся балон з газам фрэонам. У выніку інцыдэнту адзін чалавек загінуў», — цытуе крыніцу агенцтва ТАСС.
Раней паведамлялася аб тым, што выбух адбыўся на мінус дзявятым паверсе будынка.
Аднак па іншай інфармацыі, выбух адбыўся на другім паверсе і быў выкліканы збоем у працы сервера. «Выбух адбыўся на другім паверсе ў будынку, дзе знаходзіцца ўпраўленне справамі РАН. Адзін чалавек загінуў. Адна з версій — нешта здарылася з серверам», — заявіла ТАСС дарадца прэзідэнта РАН Святлана Папова.
Як паведамляецца, на месцы працуюць ратавальнікі і супрацоўнікі паліцыі.
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні19
Каментары