Студэнты-мастакі ўпрыгожаць малюнкамі платы і будынкі ўздоўж чыгункі ў Мінску. Пра гэта паведаміў журналістам першы намеснік старшыні Мінгарвыканкама Уладзімір Кухараў пасля аб'езду тэрыторый, прылеглых да чыгункі.
«Студэнты творчых спецыяльнасцяў ахвотна адгукнуліся на нашу прапанову ўпрыгожыць малюнкамі платы і збудаванні, размешчаныя ўздоўж чыгункі. Дарэчы, яны ўжо ператварылі ў творы мастацтва некаторыя будынкі ля кальцавой дарогі. Пасля гэтага на іх перасталі з'яўляцца рознага роду надпісы», — сказаў Уладзімір Кухараў.
Ён адзначыў, што гарадскія ўлады штогод складаюць планы мерапрыемстваў па добраўпарадкаванні прылеглых да чыгункі тэрыторый. Па словах Уладзіміра Кухарава, такая работа дае станоўчыя вынікі. Разам з тым ёсць заўвагі па ўладкаванні прыватнага сектара і прадпрыемстваў, якія знаходзяцца побач з чыгуначнымі шляхамі. Дзе-нідзе неабходна выдаліць сухастой і ламачча, маюць патрэбу ў афарбоўцы некаторыя гаражы. Па выніках аб'езду будзе складзены падрабязны план мерапрыемстваў па навядзенні парадку. Таксама Мінгарвыканкам падрыхтуе лісты ў Мінскі раённы выканаўчы камітэт з указаннем недахопаў, выяўленых на тэрыторыі прыгарада.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы71
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары