У розных портах Турцыі адначасова затрымалі 27 расійскіх судоў. Пра гэта ў сераду, 16 снежня, паведамляе газета Habertürk.
Паводле выдання, затрыманне адбылося ў адказ на дзеянні Расіі, якая нібыта затрымала восем караблёў пад турэцкімі сцягамі. Habertürk піша, што спачатку Расія затрымала пяць караблёў, пасля чаго — яшчэ тры.
Па непацверджаных заявах турэцкага боку, на борце аднаго з затрыманых грузавога судна MAHMUT SAKA інспектары порткантролю наўмысна вывелі з ладу абсталяванне, каб была аб'ектыўная прычына для затрымання.
Па дадзеных Habertürk, у цяперашні час прадстаўнікі Расіі і Турцыі пачалі абмяркоўваць вырашэнне пытання па электроннай пошце. Пакуль невядома, дзе і калі могуць адбыцца перамовы. Газета піша, што абодва бакі «выказалі намер вырашыць праблему»
Каментары