Расійскі журналіст, аўтар артыкула пра Улада Калеснікава: «У мяне брат у Мінску ў КДБ па ахове канстытуцыі служыць»
Журналіст «Комсомольской правды» Аляксандр Грышын, аўтар артыкула пра 17-гадовага Улада Калеснікава, першага ў ланцужку цкавання, якое прывяло да самагубства хлопца, неардынарна адгукнуўся на хвалю крытыкі ў сацыяльных сетках на свой адрас.
«У мяне брат у Мінску ў КДБ па ахове канстытуцыі служыць. Я яму вашы акаўнты зараз пашлю», — напісаў маскоўскі журналіст у сваім твітары. Такі запіс выклікаў новую хвалю смеху, гневу і нецэнзурных выказванняў на ягоны адрас.
У Расіі 18-гадовы Улад Калеснікаў на днях пакончыў з сабой, бо яго цкавалі і пераследавалі за праўкраінскую пазіцыю. Калеснікаў вёў старонкі ў інтэрнэце, дзе рэзка крытыкаваў расійскую рэальнасць і настроі ў грамадстве.
Хлопец быў ранімы і ўразлівы, як многія падлеткі. Яго бацькі былі ў разводзе і мала займаліся сынам, аддалі на выхаванне бабе з дзедам. А дзед-пуцініст, імаверна, былы КГБіст, стаў хлопца ламаць. Дайшоў да «Комсомольскай правды», каб расказаць пра тое, які ўнук кепскі. Гэта нагадвала спробы адхрысціцца ад сваякоў, «ворагаў народа», у сталінскі час.
У выніку «Комсомолка» апублікавала артыкул, у якім прымітыўна высмейвала Улада — ягоны выгляд, вагу, факты біяграфіі, сцвярджала, што Улад быў «прадметам кпінаў як хлопцаў, так і дзяўчатак». Выбрала для ілюстрацыі самыя непрывабныя фотаздымкі.
«Пікантныя падрабязнасці, так, гніды?! — піша на адрас журналістаў «Комсомолкі» ў сваім фэйсбуку беларуска, зорка тэлеклуба «Што? Дзе? Калі?» Дар'я Кастэнка. — Ведаючы, што гаворка ідзе пра непаўналетняга, «Камсамолка» публікуе сапраўднае прозвішча Улада, называе горад, дзе ён жыве, і навучальную ўстанову. А каб аднакурснікі яшчэ і ведалі аб'ект ганення ў твар, публікуе яго фота. Фота падлетка, 17-гадовага хлопчыка. У інтэрнэце падобным чынам дзейнічаюць толькі тролі, ольгінская бязмозгая батва па трыццаць тысяч за пучок».
Пратасевіч ездзіў да Бабарыкі ў калонію некалькі разоў4
Каментары