Былы адказны за ахову ўсіх пасольстваў на тэрыторыі Беларусі атрымаў крымінальны тэрмін — але з нюансам
44-гадовы палкоўнік Андрэй Жэмайтук — былы ахоўнік Аляксандра Лукашэнкі — пасля адстаўкі з органаў працаваў у «Газпром трансгаз Беларусь».
Пра крымінальны пераслед палкоўніка Андрэя Жэмайтука, экс-начальніка ўпраўлення Дэпартамента аховы МУС, стала вядома толькі цяпер, калі гэты самы пераслед сканчаецца.
Аказваецца, Жэмайтук быў прысуджаны да пазбаўлення свабоды — але з адтэрміноўкай. 20 студзеня 2025 года ў судзе Фрунзенскага раёна Мінска пройдзе пасяджэнне, на якім Жэмайтука збіраюцца цалкам пазбавіць пакарання.
Чым адметны гэты чалавек?
У сярэдзіне 2000-х ён быў ахоўнікам Аляксандра Лукашэнкі. «Белпол» пацвердзіў, што як мінімум з 2003 да 2007 года Жэмайтук быў супрацоўнікам в/ч 01549, якая і ўяўляе сабой Службу бяспекі прэзідэнта.
З верасня 2013 года да мая 2021 года ён узначальваў упраўленне Дэпартамента аховы МУС па ахове дыпламатычных прадстаўніцтваў і консульскіх установаў замежных дзяржаў. Як вынікае з назвы, яго супрацоўнікі працуюць пры пасольствах і консульствах.
Па стане на восень 2021 Жэмайтук ужо ўладкаваўся ў «Газпром трансгаз Беларусь». На гэтым хлебным месцы адстаўны сілавік быў пазначаны як кантактная асоба па пытаннях афармлення заявак на ўдзел у маркетынгавых даследаваннях.
Дагэтуль незразумела, за што на Жэмайтука завялі крымінальную справу — за Дэпартамент аховы МУС, за «Газпром трансгаз Беларусь» ці за штосьці побытавае, не звязанае з працай.
Беларускае заканадаўства прадугледжвае магчымасць адтэрміноўкі пакарання ў большасці выпадкаў. Крытэрый просты, але вельмі размыты — «калі суд палічыць, што мэты крымінальнай адказнасці могуць быць дасягнуты без адбывання пакарання».
Аднак суды вельмі рэдка выкарыстоўваюць гэты механізм.
За апошні час вядома хіба што пра некалькі выпадкаў, калі ў Брэсцкай вобласці маладыя мамы за ўдзел у пратэстах-2020 атрымлівалі пакаранне з адтэрміноўкай.
Калі за час адтэрміноўкі ў чалавека не было спагнанняў, то ён звычайна вызваляецца ад пакарання цалкам.
У Мінску адбыліся масавыя затрыманні выдаўцоў і кнігараспаўсюднікаў33
Каментары