Ільхам Аліеў назваў Арменію фашысцкай дзяржавай і заклікаў «знішчыць фашызм»
Прэзідэнт Азербайджана Ільхам Аліеў 7 студзеня ў інтэрв'ю мясцовым тэлеканалам карыстаўся вельмі рэзкай рыторыкай у дачыненні да суседняй Арменіі.
Аліеў адзначыў, што Арменія, маўляў, з'яўляецца крыніцай пагрозы для рэгіёну і што незалежная армянская дзяржава па сутнасці нібыта фашысцкая.
Гэтай краінай, як сцвярджае Аліеў, на працягу амаль 30 гадоў кіравалі носьбіты фашысцкай ідэалогіі, якія сфармавалі гэтую краіну па сваім падабенстве. А таму, на ягоную думку,
«фашызм павінен быць знішчаны. Яго знішчыць альбо кіраўніцтва Арменіі, альбо мы. Іншага выйсця ў нас няма».
Аліеў таксама заявіў, што Арменія не павінна «быць геаграфічнай перашкодай» паміж Турцыяй і Азербайджанам, зноў прыгразіўшы адкрыццём так званага «Зангезурскага калідора» на поўдні Арменіі, каб злучыць асноўную тэрыторыю Азербайджана з Нахічэванскім анклавам і Турцыяй.
Гэтыя выказванні рабіліся Аліевым у святле праблемы заключэння паміж дзвюма дзяржавамі мірнай дамовы. Прэзідэнт Азербайджана падкрэсліў, што яго заключэнне застаецца пад пытаннем.
«Калі мірная дамова не патрэбная Ерэвану, то і Баку можа абысціся без яе», — заявіў Ільхам Аліеў.
Ерэван і Баку пачалі абмеркаванне будучай мірнай дамовы ў 2022 годзе. У Празе 6 кастрычніка 2022 года быў падпісаны дакумент, згодна з якім Арменія і Азербайджан пацвердзілі сваю прыхільнасць Статуту ААН і Алма-Ацінскай дэкларацыі 1991 года. У гэтых дакументах бакі прызнаюць тэрытарыяльную цэласнасць і суверэнітэт адзін аднаго.
Гэты дакумент стаў асновай для працы камісій па дэлімітацыі. У 2024 годзе Арменія неаднаразова прапаноўвала падпісаць 13 узгодненых пунктаў праекта мірнай дамовы, пакінуўшы нявырашаныя пытанні для далейшых абмеркаванняў. Аднак Азербайджан адхіліў гэтую прапанову.
Цяпер бакі працягваюць працу над 11-м пакетам прапаноў. Апошняя (дзясятая) сустрэча камісій па дэлімітацыі мяжы адбылася ў лістападзе 2024 года.
Нікол Пашынян заявіў пра гатоўнасць неадкладна падпісаць мірную дамову з Азербайджанам
Арменія не збіраецца вяртаць пасла ў Мінск
Аліеў зноў рэзка прайшоўся па Расіі за збіты самалёт: Мы патрабуем чалавечых паводзін
«Першыя тры дні мы не чулі ад Расіі нічога, акрамя вар'яцкіх версій». Аліеў патрабуе ад Расіі выбачэнняў і прызнання віны
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа38
Каментары