«Гэта мая вялікая перавага, што я не спрабую сілай неяк утрымаць уладу». Лукашэнка паабяцаў беларусам складаны год
Сёння Аляксандр Лукашэнка ўзяў удзел у калядным багаслужэнні ў Лагойску. Пасля ён ізноў пачаў расказваць пра набалелае, не абышлося і без хлусні.
Запаліўшы калядную свечку, Лукашэнка не перахрысціўся, у адрозненні ад малодшага сына Колі, а пакланіўся.
У звароце да прыхаджан ён заявіў, што 2025 год будзе няпростым, панаракаўшы на тое, што нехта пачаў Беларусь і Расію «ціснуць і душыць з усіх бакоў».
У працяг тэмы ён дадаў, што лепш такая дыктатура, як у Беларусі, чым такая дэмакратыя, як ва Украіне.
Таму галоўнай задачай для сябе Лукашэнка зрабіў захаванне міру ў краіне. Для гэтага, па яго словах, трэба трымацца разам ды імкнуцца рабіць так, каб жылося лепш.
Але лёгкага жыцця беларусам ён не паабяцаў.
«Будзем жыць, можа, небагата, але дастойна», — сказаў Лукашэнка.
У той жа час ён заявіў, што любіць свой народ і ў гэтым ягоная асаблівасць. Таксама нязменны кіраўнік Беларусі ў чарговы раз схлусіў, што за ўладу не трымаецца і зробіць усё, каб ціха аддаць яе новаму пакаленню.
«Таму што я спадзяюся яшчэ пры новай уладзе, і вы таксама, пажыць. Мае дзеці будуць жыць. Я хачу бачыць, як яны будуць жыць. <…> Таму гэта мая вялікая перавага, што я не спрабую сілай неяк утрымаць уладу», — сказаў проста ў царкве Лукашэнка, які праз тры тыдні будзе прызначаны кіраваць Беларуссю на сёмы тэрмін.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары