mediakritika.by
«Сённяшнюю сітуацыю ў судзе Фрунзенскага раёна горада Мінска пракаментаваць, не ведаючы ўсіх акалічнасцяў здарэння, не бяруся. Заўтра будзем разбірацца. Але ад сябе асабіста я прыношу прабачэнні ўсёй журналісцкай супольнасці», — напісала прэс-сакратарка Вярхоўнага суда Юлія Ляскова на сваёй старонцы ў фэйсбуку.
25 студзеня журналіста Паўла Дабравольскага, які здымаў на відэа затрыманне хлопцаў, што дасталі транспарант пратэсту на судзе па «справе графіцістаў», затрымалі разам з пратэстоўцамі і збілі.
Са словаў затрыманых, ім нанеслі дзясяткі ўдараў нагамі.
Адразу пасля затрымання хлопцаў пачалі збіваць у суседнім пакоі: гукі збіцця былі чуваць у зале суда. Пасля гэтага ў судзе Фрунзенскага раёна іх аштрафавалі на 9—10 мільёнаў рублёў.
Каментары