89-гадовы кіраўнік Палесцінскай аўтаноміі Махмуд Абас заявіў, што ХАМАС «павінен скласці зброю», і заклікаў да разгортвання міжнародных сіл для абароны палесцінскага народа, піша Euronews.
У лісце, адрасаваным прэзідэнту Францыі Эмануэлю Макрону і наследнаму прынцу Саудаўскай Аравіі Мухамеду бін Салману, Махмуд Абас выклаў асноўныя крокі, якія, на яго думку, неабходна распачаць для спынення вайны ў Газе і дасягнення міру на Блізкім Усходзе.
«ХАМАС больш не будзе кіраваць Газай і павінен перадаць сваю зброю і вайсковы патэнцыял палесцінскім сілам бяспекі», — напісаў Абас.
Ён сказаў, што «гатовы запрасіць арабскія і міжнародныя сілы для разгортвання ў рамках місіі па стабілізацыі/абароне з мандатам Рады Бяспекі (ААН)».
«Мы гатовыя заключыць у выразныя і абавязковыя тэрміны і пры міжнароднай падтрымцы, наглядзе і гарантыях мірнае пагадненне, якое пакладзе канец ізраільскай акупацыі і вырашыць усе нявырашаныя пытанні статусу», — заявіў Абас, адзначыўшы, што «ХАМАС павінен неадкладна вызваліць усіх закладнікаў і палонных».
Эмануэль Макрон і Мухамед бін Салман будуць сустаршынямі канферэнцыі ў Нью-Ёрку па ўрэгуляванні палесціна-ізраільскага канфлікту на аснове прынцыпу «дзве дзяржавы для двух народаў». Канферэнцыя стартуе 17 чэрвеня.
У сваёй заяве Елісейскі палац вітаў канкрэтныя і беспрэцэдэнтныя абавязацельствы, якія дэманструюць рэальную гатоўнасць рухацца да рэалізацыі рашэння аб дзвюх дзяржавах. Макрон заявіў, што ён поўны рашучасці «прызнаць палесцінскую дзяржаву», але таксама выставіў некалькі ўмоў, уключаючы дэмілітарызацыю ХАМАС.
У сваім лісце Абас пацвердзіў сваю прыхільнасць рэфармаванню Палесцінскай адміністрацыі і пацвердзіў свой намер правесці прэзідэнцкія і ўсеагульныя выбары на працягу года пад міжнароднай эгідай. Палесцінская адміністрацыя цяпер знаходзіцца пад ціскам арабскіх і заходніх дзяржаў, якія патрабуюць правядзення значных рэформаў.
Ізраіль перахапіў судна з Грэтай Тунберг, якое ішло ў Газу
Баевікі ХАМАС расстралялі пяць палесцінцаў, якія спрабавалі ўзяць ежу са складу ААН
У Ізраілі паведамілі пра забойства новага лідара ХАМАСа ў Газе
«Не на тым баку чалавечнасці». Нетаньяху абвінаваціў лідараў Брытаніі, Францыі і Канады ў заахвочванні ХАМАС
Цяпер чытаюць
Зорка брэйкдансу з Віцебска атрымаў 11 гадоў турмы ў Кітаі. Што здарылася?8
Каментары
На..вошта ?? Каб зарваць дамоўленнасці паміж Фатх і ТэльАвівам аб стварэнні адзінай дзяржавы Палясціна