Старшыня Мінгарвыканкама Андрэй Шорац падзякаваў мінчанам за дапамогу ва ўборцы снегу. Словы ўдзячнасці ён выказаў на прэс-канферэнцыі.
«Ідэя разаслаць СМС жыхарам Мінска з просьбай дапамагчы прыбраць снег каля сваіх аўтамабіляў і ў дварах належыць мне. Сотавыя аператары разаслалі яе бясплатна, — сказаў Андрэй Шорац. — І я не бачу нічога дрэннага ў тым, што мінчане дапамаглі ў вырашэнні гэтага пытання. Большасць адрэагавалі на СМС правільна і выйшлі з шуфлямі ў двор. Дзякуй ім за гэта».
Ён адзначыў, што таксама атрымаў СМС і дапамог ва ўборцы снегу. «Дзякуючы суладнай працы ўсіх гарадскіх службаў і насельніцтва горад у такія снегапады не спыніўся», — падкрэсліў кіраўнік горада.
«Мы хочам данесці да мінчан, што яны не проста жывуць у гэтым горадзе, што яны яго частка. І што акрамя іх і ўлады ніхто не зробіць жыццё сталіцы лепшым, зручнейшым і прыгажэйшым», — падсумаваў старшыня Мінгарвыканкама.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў5
Каментары