Міністэрства абароны РФ паведаміла пра гібель 1 лютага расійскага вайсковага дарадцы ў Сірыі, піша РБК.
У панядзелак баевікі-ісламісты абстралялі месца дыслакацыі аднаго з падраздзяленняў арміі, вернай дыктатару Башару Асаду. У выніку расійскі афіцэр атрымаў смяротнае раненне.
«Расійскі дарадца дапамагаў засвойваць новыя ўзбраенні, якія пастаўляюцца ў межах міждзяржаўных кантрактаў», — паведаміла ўстанова.
Гэта чацвёртая гібель расійскага вайскоўца ў Сірыі, якую афіцыйна прызнала РФ.
У кастрычніку 2015 года газета The Wall Street Journal пісала, што ад мінамётнага абстрэлу загінулі да 9 грамадзян РФ, аднак гэтыя дадзеныя Масква абвергла.
Беларускія вайсковыя назіральнікі раней адзначалі, што нашай краіне выгадны больш актыўны ўдзел Расіі ў як мага больш далёкіх ад нас і дарагіх для Масквы войнах. Аднак, канешне, гэта не значыць, што любы праціўнік РФ у Сірыі варты спачування.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы2
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары