Львоўскі: Лугіной было б добра жыць пару стагоддзяў таму, калі было модна скардзіцца на сялян
«Некаторыя людзі нарадзіліся не ў сваю эпоху».
У новым выпуску ТОКу акадэмічны дырэктар BEROC Леў Львоўскі пракаментаваў словы генеральнай дырэктаркі «Камволя» Таццяны Лугіной, якая наракала, што ў беларусаў дрэнная культура працы, людзі мала працуюць.
На думку эканаміста, такія развагі нагадваюць скаргі памешчыкаў некалькі стагоддзяў таму.
«Я думаю, што некаторыя людзі нарадзіліся не ў сваю эпоху. Вось гэтай спадарыні добра было б жыць пару стагоддзяў таму. Тады якраз было модна скардзіцца на сялян. Здаецца, б'еш іх, а яны ўсё роўна моў не ведаюць, віно дрэнна падаюць, безэ не ўмеюць гатаваць, усе непісьменныя, жывуць у брудзе», — іранічна заўважыў Львоўскі на просьбу пракаментаваць словы Лугінай.
Эканаміст падкрэсліў, што не існуе «дрэнных людзей» або «дрэнных работнікаў» у маштабе ўсёй краіны.
«Кожны асобны чалавек, вядома, можа быць дрэнным работнікам, але каб цэлая нацыя была дрэннай — такога не бывае», — лічыць Львоўскі.
Паводле яго, праблемы ўзнікаюць не праз людзей, а праз дрэнныя інстытуты і неэфектыўнае кіраванне.
Ён адзначыў, што беларусы нічым не саступаюць жыхарам суседніх краін ні паводле адукацыі, ні паводле працоўнай этыкі.
Львоўскі упэўнены: «[Беларусы] нічым не горшыя за палякаў, за літоўцаў. Я не думаю, што яны значна горшыя за немцаў, а тым больш за французаў».
Няма падстаў казаць пра нейкую асаблівую ляноту беларусаў.
«Беларусы шмат працуюць. І калі пры гэтым вы не можаце арганізаваць сістэму так, каб яны зараблялі столькі ж, колькі ў суседніх краінах, то тут трэба паглядзець у люстэрка і папракнуць сябе. Але заўсёды лягчэй сказаць: «Так-так, гэта ўсё работнікі ў нас не хочуць працаваць», — рэзюмаваў эканаміст.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?2
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
[Зрэдагавана]
Гэта тыпаж карпаратыўнага ХР-а, яны адданыя справе партыі/кампаніі. Далей цытата Оруэла аб жаночым фанатызме...