У Вярхоўным судзе працягваецца слуханне крымінальнай справы ў дачыненні да члена Савета Рэспублікі Ганны Шарэйкі. Ёй і яшчэ шасці падсудным выстаўлена абвінавачанне ў злоўжыванні ўладай або службовымі паўнамоцтвамі, учыненым арганізаванай групай (арт. 18, ч. 3 арт. 424 КК). Шарэйка не прызнала сваю віну.
Паводле версіі следства, Ганна Шарэйка, будучы гендырэктарам Віцебскай бройлернай птушкафабрыкі, уступіла ў карупцыйную змову са сваім сужыцелем Вальдэмарасам Норкусам, які з'яўляўся дырэктарам літоўскай фірмы «Даймас».
Паводле слоў пракурора, Норкус меў сувязі з Рыжскім камбікормавым заводам. Праз кампанію «Руском-Р», якая з'яўлялася даччыным прадпрыемствам «Даймаса», і былі арганізаваны пастаўкі замежных кармоў і кармавых дабавак.
Перамогу на конкурсе для «патрэбнай фірмы» арганізавалі падначаленыя Шарэйкі, якія хацелі такім чынам «захаваць свае пасады, выслужыцца перад дырэктарам, атрымаць прэферэнцыі і пазбегнуць адказнасці за недахопы ў працы», адзначана ў абвінавачанні. Усе яны цяпер таксама на лаве падсудных.
Паводле слоў пракурора, фірма Норкуса для заяўкі на конкурсе выстаўляла заведама заніжаную цану. Аднак пазней кошт павялічваўся з-за транспартных расходаў і аплаты мытных збораў. У выніку канчатковая цана замежнага камбікорму была значна вышэйшай, чым айчыннага. Дзяржабвінавачанне ацэньвае шкоду, нанесеную прадпрыемству, у 4 млрд. рублёў.
Сваю віну не прызналі таксама былыя намеснікі Шарэйкі Надзея Семчанкава, Яўген Канавальчанка і Мікалай Камароў і партнёры Вальдэмарас Норкус і Міхаіл Разжывін. Віну прызнаў толькі адзін абвінавачваны — вядучы спецыяліст віцебскай фабрыкі Уладзімір Ліяранцэвіч.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма19
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары