Міністр ЖКГ назваў прычыны падаражэння студзеньскай «камуналкі»
Міністр ЖКГ назваў тры прычыны росту кошту жыллёва-камунальных паслуг у студзені і адзначыў, што па ўсіх фактах няправільнага прымянення тарыфаў будуць праведзены пераразлікі. Пра гэта Аляксандр Церахаў заявіў у інтэрв'ю праграме «Галоўны эфір» на тэлеканале «Беларусь 1».
Ён патлумачыў, што кошт жыллёва-камунальных паслуг у студзені падаражэў адразу па некалькіх прычынах.
«Адбылося павелічэнне тарыфаў на жыллёва-камунальныя паслугі. Падзел функцый у жыроўках: з паслугі «тэхнічнае абслугоўванне» былі выдзеленыя ўборка і асвятленне дапаможных памяшканняў — пад'ездаў. Акрамя таго, студзень быў халаднейшы за снежань на 9 градусаў, што адбілася на колькасці спажытай цеплавой энергіі», — растлумачыў ён.
Міністр ЖКГ таксама адзначыў, што ў студзеньскіх жыроўках сустракаліся тэхнічныя памылкі і неабгрунтаванае павышэнне кошту паслуг.
«Па ўсіх фактах, дзе будзе выяўлена няправільнае прымяненне тарыфаў, па ўсіх фактах пераналічэння будуць праведзены пераразлікі», — адзначыў Аляксандр Церахаў.
Ён падкрэсліў, што ў сакавіцкай жыроўцы людзі ўбачаць гэтыя пераразлікі.
Пра тое, што лічбы ў жыроўках паменшацца, казаў і старшыня КДК Леанід Анфімаў. Ён таксама распавёў, што крымінальныя справы па фактах неабгрунтаванага завышэння заведзеныя ў дачыненні да розных спецыялістаў — ад супрацоўнікаў Міністэрства жыллёва-камунальных паслуг да спецыялістаў на месцах.
Цяпер чытаюць
Лукашэнка: Абмяркоўваем з ЗША вызваленне палітвязняў11
Каментары