Ініцыятыва стварэння Эканамічнага пояса Шаўковага шляху — гэта вялікая ідэя ў імя аб'яднання і стварэння. Аб гэтым заявіў Аляксандр Лукашэнка 1 сакавіка ў інтэрв'ю Цэнтральнаму тэлебачанню Кітайскай Народнай Рэспублікі (ССTV).
Адно з пытанняў датычылася Кітайска-беларускага індустрыяльнага парку «Вялікі камень», які закліканы стаць важным звяном на гэтым новым шляху. На думку кіраўнікоў дзвюх краін, парк можа стаць жамчужынай эканамічнага пояса Шаўковага шляху.
Аляксандр Лукашэнка падкрэсліў: «Мы чакаем (і ўжо пачалі ажыццяўляць гэтую ідэю) самых сур'ёзных інвестыцый у гэты праект на тэрыторыі Беларусі. Наша з Сі Цзіньпінам жорсткае патрабаванне - тут павінны быць створаныя прадпрыемствы, якія выпускаюць прадукцыю новага пакалення».
«Рэспубліка Беларусь — гэта цэнтр Еўропы, а ЕС — гэта высокатэхналагічны саюз, — працягнуў кіраўнік дзяржавы. — Ствараць тут прадукцыю мінулага стагоддзя і спрабаваць потым яе прадаць на гэтых рынках — бесперспектыўна. Таму трэба ствараць вельмі высокага ўзроўню прадукцыю, каб потым яе рэалізоўваць».
На думку кіраўніка краіны, Беларусь як ніякая іншая краіна гатовая і падыходзіць для гэтага.
Асабліва з улікам развітой інфраструктуры — жалезных, аўтамабільных дарог, паветранага транспарту, бо тут скрыжаванне гэтых шляхоў. Акрамя таго, новыя магчымасці адкрываюцца са стварэннем Еўразійскага эканамічнага саюза, актыўным чальцом якога з'яўляецца Беларусь.
Цяпер чытаюць
Вось хто той хлопец, які паехаў на праполку бульбы і стаў героем сацсетак6
Каментары