Лукашэнка: Мужык у 60 гадоў — гэта конь, якім яшчэ можна араць
Пра гэта кіраўнік краіны заявіў на нарадзе ва ўрадзе наконт магчымасці павышэння пенсійнага ўзросту.
Аляксандр Лукашэнка адзначыў, што сярэдняя працягласць жыцця ў краіне павялічылася ў параўнанні з 90-мі гадамі мінулага стагоддзя. «Таму 55—60 гадоў — гэта нармальны ўзрост. І скажы жанчыне, што яна старая ў 55 гадоў або пенсіянерка! Слухайце, пакрыўдзіцца! А калі мы прапануем: калі ты не старая, не пенсіянерка, давай папрацуй — іншае нейкае меркаванне. Тое ж самае і пра мужыкоў можна сказаць. Яны дэманстратыўна не крыўдзяцца, але ў душы. У 60 гадоў мужык — гэта конь, якім можна яшчэ араць і плугам не ў адзін корпус, а ў тры корпусы зачапіць і пацягне», — сказаў кіраўнік дзяржавы.
«Не хачу ўжо тут казаць аб нашых славутых прадстаўніках сілавых структур, якія сёння, у прынцыпе, у 45 гадоў могуць сысці на пенсію. 90% з лішнім могуць сысці ў 45 гадоў на пенсію. І што ж гэта за пенсіянер у 45 гадоў?! Думаю, будзе справядліва, калі пытанне павышэння пенсійнага ўзросту закране ўсіх», — сказаў кіраўнік краіны.
-
Як уладкаваны клубнічны бізнэс, хто найбольш на ягадах зарабляе і чаму іх часам выкідаюць
-
Жыхара Лёзна пазбавілі права кіравання матацыклам за экстрэмальныя хуткасці і язду на заднім коле
-
Нечаканы бенефіцыяр рэпрэсій і масавай эміграцыі беларусаў — выручка гэтага расійскага бізнэсу ў Мінску вырасла на 4000%
Каментары