Французскі біятланіст Мартэн Фуркад выйграў індывідуальную гонку на 20 кіламетраў на чэмпіянаце свету па біятлоне ў Халменколене.
Фуркад дапусціў 1 (0+1+0+0) промах і на пяць секунд апярэдзіў аўстрыйца Дамініка Ландэртынгера (0+0+0+ 0). Трэцяе месца заняў яшчэ адзін прадстаўнік Аўстрыі Сімон Эдэр (0+ 0+0+0).
Адзначым, што гэта ўжо чацвёрты залаты медаль Фуркада на цяперашнім першынстве. Раней ён выйграў спрынт, пераслед, а таксама разам са зборнай Францыі першынстваваў у змяшанай эстафеце.
Для беларусаў гонка склалася не лепшым чынам. Лепшым у нашай камандзе стаў Юрый Лядаў (1+1+ 0+0), які фінішаваў 36-м. Уладзімір Чапелін (3+0+2+1) паказаў 56-ы вынік. Раман Ялетнаў (1+2+0+2) стаў 61-м, Дзмітрый Дзюжаў (2+0+1+1) - 65-м.
Каментары