Група кампаній «Трайпл» прыпыніла ўдзел ва ўсіх інвестыцыйных праектах, у тым ліку па будаўніцтве ў Мінску нацыянальнага футбольнага стадыёна, паведаміў журналістам 22 сакавіка старшыня Беларускай федэрацыі футбола, кіраўнік Банка развіцця Сяргей Румас.
Паводле яго слоў, «Трайпл» з'яўляецца адным з асноўных удзельнікаў акцыянернага таварыства, якое займаецца пытаннямі будаўніцтва арэны каля дзейнага стадыёна «Трактар». У прыватнасці, група кампаній з'яўляецца адказнай за будаўніцтва на арэне гандлёвага цэнтра.
Цяпер з Мінгарвыканкамам абмяркоўваюцца магчымыя шляхі выхаду з сітуацыі, якая склалася. Пытанні кантракту з кітайцамі, адзначыў Румас, ужо адпрацаваны, цяпер слова за беларускім бокам.
Указ прэзідэнта аб праектаванні і будаўніцтве да 31 снежня 2018 года футбольнага стадыёна каля стадыёна «Трактар» у Мінску быў падпісаны 18 ліпеня 2014 года. Умяшчальнасць — 33-35 тыс. гледачоў. Пра тое, што кітайцы выйгралі тэндар на будаўніцтва стадыёна, стала вядома ў лістападзе 2015 года. Кошт работ не павінен перавышаць 100 млн еўра. 11 снежня 2015 года Румас заявіў, што разлічвае падпісаць кантракт з кітайскім бокам да канца года.
