Грузінскі брыгадны генерал Георгі Каландадзэ, які цяпер займае пасаду дарадцы камандуючага Нацыянальнай гвардыяй Украіны, распавёў пра сваё бачанне рэформы ўкраінскіх Узброеных Сіл.
Перадусім гэта пераход на стандарты НАТО ў сістэме кіравання аперацыямі, сістэмах сувязі, філасофіі баявых дзеянняў, сказаў вайсковец у інтэрв'ю для «Украінскай праўды».
«Важна разумець — гэты пераход немагчымы без якасна падрыхтаваных вайскоўцаў. Першае — трэба адпраўляць афіцэраў у заходнія ВНУ і потым прызначаць гэтых афіцэраў на камандныя пасады. Другое — канешне, патрэбная вялікая кадравая чыстка», — сказаў генерал, які з лета 2014 года дапамагаў у падрыхтоўцы ўкраінскіх вайскоўцаў.
«Пераход (на стандарты НАТА) павінен заняць максімум тры гады», — адзначыў ён.
Падчас расійска-грузінскай вайны Каландадзэ кіраваў пяхотнай брыгадай, у 2012 годзе быў начальнікам Аб'яднанага штабу Узброеных Сіл Грузіі.
Каментары