Лідар «Іншай Расіі» Эдуард Лімонаў сышоў з пасады старшыні партыі. Сваё рашэнне ён патлумачыў пагаршэннем здароўя. Выконваючымі абавязкі кіраўніка партыі прызначаныя шматгадовыя паплечнікі Лімонава: Аляксей Валынец, Аляксандр Аверын і Андрэй Дзмітрыеў.
«Прашу асабісты склад партыі «Іншая Расія» беспярэчна падпарадкоўвацца рашэнням гэтага трыумвірата таварышаў», — сказаў Лімонаў.
18 сакавіка Эдуард Лімонаў расказаў, што трапіў у рэанімацыю, дзе яго «залаталі». Што менавіта здарылася, ён не патлумачыў.
Партыя «Іншая Расея» створана ў 2010 годзе. Да гэтага Эдуард Лімонаў узначальваў Нацыянал-бальшавіцкую партыю, якую ў 2007 годзе Вярхоўны суд РФ абвясціў па-за законам. Члены абедзвюх арганізацый амаль на працягу ўсяго часу існавання арганізацыі падвяргаліся пераследам. У апошнія пару гадоў — пасля таго, як Эдуард Лімонаў разам з паплечнікамі падтрымаў палітыку расейскіх уладаў адносна Украіны — пераслед спыніўся.
Цяпер чытаюць
Што вядома пра былога палітвязня Сакалоўскага, які памёр у Берліне ў 47 гадоў1
Каментары